पुणे : संवेदनशील दिग्दर्शक म्हणून परिचित असलेले गजेंद्र अहिरे हे उत्तम लेखक, कवी, गीतकारही आहेत. त्यांनी लिहिलेल्या हिंदी कविता, गझल यांचे ‘आधा पागल’ हे पुस्तक ‘बुकगंगा’तर्फे लवकरच प्रकाशित करण्यात येणार आहे. गजेंद्र अहिरे यांच्या ‘कुलकर्णी चौकातला देशपांडे’ या पन्नासाव्या चित्रपटाच्या प्रीमिअरदरम्यान शुक्रवारी (२२ नोव्हेंबर) या पुस्तकाची घोषणा करण्यात आली. या वेळी ‘बुकगंगा’चे मुख्य कार्यकारी अधिकारी मंदार जोगळेकर उपस्थित होते. या पुस्तकाची झलक दाखविणारी चित्रफीत सादर करून याबाबत माहिती देण्यात आली. टाळ्यांच्या गजरात प्रेक्षकांनी याचे स्वागत केले.
कोथरूडमधील सिटीप्राईड चित्रपटगृहात झालेल्या या प्रीमिअरसाठी चित्रपटातील बालकलाकार अथर्व बेडेकर, पियुष, निखील रत्नपारखी यांच्यासह वृंदा अहिरे, चित्रपटाचे निर्माते विनय आणि स्मिता गानू, संगीतकार नरेंद्र भिडे, तंत्रज्ञ तसेच विविध क्षेत्रांतील मान्यवर उपस्थित होते.
(पुस्तकाच्या ट्रेलरचा व्हिडिओ सोबत देत आहोत.)BytesofIndia.com पोर्टलला सोशल मीडियावर फॉलो करण्यासाठी खाली क्लिक/टॅप करा.
अॅप, फेसबुक, यू-ट्यूब, ट्विटर, इन्स्टाग्राम, व्हॉट्सअॅप
